Bisita birtuala

MEATZARIAK

Argazki honetan agertzen diren bezalako meatzariek goizetik gauera egiten zuten lan. XIX. mende amaieran, goizeko bostetan hasten ziren lanean, eta iluntzera arte ez zuten amaitzen. Argazkian haurrak ere ikus daitezke lanean, garai hartan ohikoa baitzen. Lana bi modutara egin zitekeen: lanaldika, hots, lanaldi osoz lan eginda, edo atazaka, hau da, aldez aurretik finkatutako zeregin bat eginda. Bigarren aukera horrekin, aparte ordaintzen ziren bestelako lan osagarri batzuk egiteko denbora atera zitekeen.

FITXA TEKNIKOA

DATA
XIX. mendearen amaiera.

JATORRIA
Alta Galdames.

DESKRIPZIO TEKNIKOA
Alta Galdamesen hartutako zuri-beltzeko argazkia.